മലയാള സിനിമയിൽ ആരാധകർ ഏറെയുള്ള സംവിധായകനും നടനുമാണ് പൃഥ്വിരാജ്. അഭിപ്രായം മടിയില്ലതെ പറയുന്നത് കൊണ്ട് തന്നെ ജാഡ, അഹങ്കാരി തുടങ്ങിയ വിശേഷണങ്ങൾ എല്ലാം തന്നെ അദ്ദേഹത്തിന് ലഭിച്ചിരുന്നു. കരിയറിന്റെ തുടക്കം മുതൽ തന്നെ നടന് നേരെ വിമർശനങ്ങൾ വിട്ടൊഴിയാതെ പിന്തുടരുന്നുണ്ട്. ഇപ്പോഴിതാ തന്റെ മകനെ മനഃപൂർവം അജണ്ടയയോടെ വിമർശിക്കുകയാണെന്ന് പറയുകയാണ്‌ നടി മല്ലിക സുകുമാരൻ. പൃഥ്വിരാജ് ആരുടേയും നുണ പറയുന്ന ആളല്ലെന്നും അത്തരം ഒരു കമന്റിനും നടനെ കിട്ടില്ലെന്നും മല്ലിക പറഞ്ഞു. മോഹൻലാലിനെ ആരൊക്കെയോ ചതിച്ചുവെന്ന പോസ്റ്റുകൾ സോഷ്യൽ മീഡിയയിൽ കണ്ടിരുന്നുവെന്നും മോഹൻലാൽ പറയില്ല ഞങ്ങൾ അദ്ദേഹത്തെ ചതിച്ചുവെന്നും മല്ലിക കൂട്ടിച്ചേർത്തു. സൈന സൗത്തിന് നൽകിയ അഭിമുഖത്തിലാണ് പ്രതികരണം.
'എന്നെ ട്രോൾ ചെയ്‌താൽ എനിക്ക് ഒരു പ്രശ്നവും ഇല്ല. പക്ഷെ ഈ അടുത്ത കാലത്ത് എനിക്ക് ഫീൽ ചെയ്ത സംഭവം എന്തെന്നാൽ മോനെ ആവശ്യം ഇല്ലാതെ തെറ്റിദ്ധരിക്കുന്നു. അതിന് പിന്നിൽ നൂറ് ശതമാനം ആരോ ഉണ്ട്. കേരളത്തിൽ അക്ഷരാഭ്യാസമുള്ള ജനങ്ങൾക്ക് ഈ കൂലി എഴുത്തുക്കാർ അല്ലാത്തവർക്ക് അറിയാം അങ്ങനെയൊരു വീട്ടുകാർ അല്ല, അവർക്ക് അതിന്റെ ആവശ്യം ഇല്ലെന്ന്. പൃഥ്വിരാജ് ഒന്നും വേണ്ടാത്ത ഒരു കമ്മന്റ്സിനും ഒപ്പം ചെന്ന് ഇരുന്ന് സംസാരിക്കുന്ന ആളല്ല. അത് അവിടെയുള്ള എല്ലാ സൂപ്പർ മെഗാ സ്റ്റാറുകൾക്കും അറിയാം.
അവനെ ഈ കൂടെ ഇരുന്ന് നുണ പറയാൻ ഒന്നും കിട്ടില്ല. ഉള്ള വേറെ ആളുകൾ ഉണ്ട്. അവനെ കുറിച്ച് എന്തറിഞ്ഞിട്ടാണ് ഇവന്മാരൊക്കെ എഴുതുന്നത്. ഈ അടുത്ത് സോഷ്യൽ മീഡിയയിൽ കണ്ടിരുന്നു ആരോ മോഹൻലാലിനെ ചതിച്ചുവെന്ന്. മോഹൻലാൽ പറയില്ലല്ലോ ഞങ്ങൾ ചതിച്ചുവെന്ന്. എന്റെ മോൻ ചതിക്കുമെന്ന്, ഒരുകാലത്തും പറയില്ല. ഞാൻ എഴുതിവെച്ചു തരാം സ്റ്റാമ്പ് പേപ്പറിൽ. മോഹൻലാൽ ഒരിക്കലും പറയില്ല ഞാനോ എന്റെ മക്കളോ കുടുംബമോ അദ്ദേഹത്തെ ചതിക്കാൻ ഇരിയ്ക്കുകയാണെന്ന്,' മല്ലിക സുകുമാരൻ പറഞ്ഞു.
Content Highlights: Mallika Sukumaran on Prithviraj being trolled on social media